ياغالية ياأغلى من كل الفي الكون غلا

من طرف Admin الأربعاء سبتمبر 17, 2008 5:52 pm

ياغالية ياأغلى من كل الفي الكون غلا
ياجميلة وجمالك جمٌل أيامنا زاده حلا
ياملكة زمانك ملكتي قلبي بغرامك ابتلا
بكنوز الدنيا ريدتك حالف أصلو مايبدلا
أوصاف جماله مافي زول قدر اتخيلا
كل الجرب يقيف أمامه لحظات يتأملا
رجع ندمان قال ياريتني ماجيت أقابلا
لاقدر يعاين الابتسامة لانظرة عيونه اتحملا
حسان الدنيا بلهفة جات عشان تسألا
كيف ياإنتي غاية الحسن ممكن نوصلا
حور الجنان شافوها رددن الله ما أجملا
النجوم اتمنت لو مرة تقدر تصلا
تاخد قليل من انوار ضياها المذهلا
حتى القمر بكلام رقيق حاول يغازلا
قال ليها إنتي المحاسن منتهاهه وأولا
وإنتي أجمل انسانة في الدنيا قابلا
ومني ليك هدية ياريت تتعطف تقبلا
أنزل أنا من علاي وتصعدي إنتي للعلا