نفسِك عزيزة عليك

من طرف Admin الأربعاء سبتمبر 17, 2008 6:22 pm

نفسِك عزيزة عليك

فينى العزة مولودة

لو لفظت رؤاك محياى

ذكراك عندى موئودة

لو قلبِك نكر حبى

وهده معالم الريدة

تاكدى انتى فى جواى

ملامحك ماها موجودة

مواثيقنا الكتبناها

وعهودنا الكنا صغناها

على الاوراق بحبر الريد

وامانينا البنيناها

على الافلاق وفوق الايد

وشلناها وسقيناها

دمع العين وفرحة

وأمنية وتنهيد

خلاص ضاعت مشت راحت

وما اظن لحظة ليها تعيد

بتفضل بس حروف

مكتوبة فى ورقة

قلوب بالفرقة محترقة

وبتفضل بس

شريعة الله والعٌرف

ويبقى البينا تقليدى

نقضى عمر تراجيدى

اعيش جنبك ومعاك بدنى

وتكونى معاى بى جسدك

ده كلو عشان اقضى الدين

واتمّلك المراد والزين

عشان احميك من عزال

يقولو ويشمتو وحاسدين

وعشان الكان قبيل بينا

وقلوبنا الكانو متحابين

عشان العشرة والاخلاص

فى الدم والوريد جارين

وعشان انك عزيزة علىّ

فيك بشوف صبا عمرى

اعتنقت مشاعرى هواك

وبيك آمنت من بدرى

اتوضيت بدمع الشوق

وقمت الليل والسحرِ

وفى محراب هوى العشاق

جعلتك سنتى وطهرى

واتوهطه فى جواك

وشلتك ديدنى و دخرى

و جيت ادخل أفق دنياك

واكف دمعة وألِم صبرى

لقيتك فارشة احساسك

وبايعة الباقى من عمرى

حليل الريدة بيناتنا

و خسارة حبنا العزرى